LEGAZPI CITY – Nagkawsa nin zero-visibility an na-eksperyensyahang fog o hamog sa Barangay Masarawag, Guinobatan, Albay.
Segun ki Punong Barangay Vicente Mar Baliat sa intrevista kan Bombo Radyo Legazpi na poon aga an nagmistulang banggi na an saindang palibot huli sa labing kadikloman na namatean sa saindang lugar.
Suspetsya niya na pwedesir na may kinaaraman suboot an pangyayari sa pag-aalburuto ngonian kan Bulkang Mayon na presenteng nasa alert level 3 status.
Pagsyerto niya man na nakapreparar na an saindang residentes na mag-ebakwar enkaso maglala pa an sitwasyon kan Mayon.
Pagdoon pa ni Baliat na nakadesignar na an eskwelahan sa Barangay Mauraro kan kaparehong banwaan bilang magserbing evacuation site kan saindang Barangay.
