LEGAZPI CITY – Nagpapadagos an preparatory workshop kan Albay Gulf Management Council mapadapit sa pagpapakarahay asin pagpi-preserba kan enterong gulf.
Inatendiran an nasambitan na aktibidad kan mga representantes kan local government unit gikan sa Prieto Diaz, Bacon District kan Sorsogon, Bacacay, Sto. Domingo, Rapu-Rapu, asin iba pa.
Yaon man an presensya kan opisyales kan Bureau of Fisheries and Aquatic Resources (BFAR Bicol) hale sa manlaen-laen na distrito.
Segun ki Councilor Al Barizo, pamayo kan Committee on Agriculture and Food, nagkaigwa sinda nin unified principle huli sa fish coral project para sa gulpo.
Napapanahon man suboot ini urog na sa syudad kan Legazpi.
Naglalaom man an opisyal na magtatarabangan an gabos ngane na magkaigwa nin unified cause asin unified efforts para sa Albay Gulf.
Nagdidiit naman kaya suboot an mga nag-iistar na sira sa nasambitan na tubig kun kaya kaipuhan na maibalik ini sa dating mabaskog na estado.
Siring man, kaipuhan suboot na magkaigwa nin sustainable development an proyekto.
Naglalaom man an opisyal na magigin matrayumpo an proyektongg ini.
