LEGAZPI CITY — Aminado an Bureau of Fire Protection (BFP) na dakula an kakulangan sa mga fire hydrants sa Bicol region.
Segun ki BFP Bicol spokesperson SFO4 Aramis Balde, nagluwas sa pag-aadal na ipigkondusir duwang bulan na an nakakalihis na padifisilan an pagkakaigwa nin hydrants huli sa mahal na presyo kaini.
Katakod kan nasambitan na problema, nangapudan an opisyal sa mga local government units na suportahan an BFP na magkaigwa nin mga hydrants ngani na mas magigin madali an pagresponde sa mga kasulo.
Segun pa ki Balde, mas makakarahay kun magkakaigwa man sinda nin suway na linya para digdi huli ta dae kakayanon an pressure na kinakaipuhan kun makikipagsabayan sa linya kan tubig na pigagamit kan mga residente.
Pag-eksplikar kan opisyal, igwang rekomendadong pressure sa mga hydrants kaya madidifisilan kun isasabay ini sa linya kan household na nagkakaigwa man minsan nin problema sa tubig.
