Ipagpapadagos sa aga, aldaw nin Martes an laban ninda Filipina tennis star Alex Eala asin world No. 3 Jessica Pegula makalihis ma-octaba an finals kan DC Open.
Ini an huli sa pagbulos kan makusog na uran sa Washington, D.C.
Napundo an laban makalihis an tulong oras na delay huli sa maraot na panahon.
Sa enot na set, nakuwa ni Pegula an pagkagana sa score na 6-4.
Sa ika-duwang set, nakalamang si Eala nin 2-1 antes mapundo an laban.
Importante an nasabing laban para ki Eala huli ta ini an enot na bes na makakalaog siya sa WTA 500 final.
Uminabot siya sa championship match makalihis daugon an apat na bigatin na kalaban kaibanan sinda defending champion Leylah Fernandez, world No. 10 Elina Svitolina, asin four-time Grand Slam champion Naomi Osaka.
