Nasaksihan sa Vatican ang Filipino prayer makalihis madangog an pangadyi sa wikang Filipino sa tahaw kan Palm Sunday Mass na pinangenotan ni Pope Leo XIV sa St. Peter’s Square.
An pamibi, na parte kan Prayers of the Faithful, nagtagos sa puso kan dakol na mga Pilipino na nag-atendir, na an nagkapira napahibi pa.
Sa pamibi, narumduman an mga tawong nagtitios nin kasakitan asin pang-aapi, asin idinoon an pakikisumaro ni Kristo sa saindang pagsakit.
Mientrastanto, sa homiliya kan Santo Papa, tinawan niya nin duon na si Jesus an Hade nin Katoninongan na nagsasayuma sa kadahasan asin dai pwedesir gamiton sa pagtao nin katwiran sa giyera asin pagdusa.
Sa pagtatapos kan misa, tinawan nin respeto kan Santo Papa an mga mananampalataya mantang siya an naglibot sa St. Peter’s Square sakay kan popemobile, na nagtao nin kaogmahan sa rinibong nag-atender.
An Domingo de Ramos an kapinunan kan Semana Santa, sarong importanteng panahon para sa mga Katoliko sa bilog na kinaban nganing girumdumon an pagsakit, kagadanan, asin pagkabuhay-liwat ni Jesukristo.
