LEGAZPI CITY—Nagtiripon an Filipino community sa Vatican City ngani magpaabot nin pagpangadyi makalihis na mamaaram na sa kinaban si Pope Francis.
Segun ki Bombo International News Correspondent Italy Bong Rafanan, sa intrevista kan Bombo Radyo Legazpi, na ikinamundo kan mga namamanwaan sa nasabing lugar an pagkagadan kan Santo Papa, huli na man sa rason sa kun gurano ka-faithful an mga Pilipino.
Dugang kaini na nakatalaan man na magkakaigwa nin public viewing an hawak kan Santo Papa puon ngunyan na Miyerkules, Abril 23, sa St. Peter’s Basilica kun saen piglalaoman na dakol na deboto an maatendir bilang pagrespeto saiya.
Mantang an lubong ni Pope Francis an nakatalaan man na gigibuhon sa Sabado, Abril 26 sa St. Peter’s Basilica.
Magigiromdoman na nagtalikod na sa kinaban an 88-anyos na Santo Papa kan Lunes, Abril 21, huli sa stroke asin heart failure.
