LEGAZPI CITY-Buminagsak sa rekord na 1.7 an Fertility rate o an demograpikong sukatan kan pangangaki sa populasyon, susog sa Philippine Statistics Authority (PSA).
Huli digdi, mas diit na sana an mga Pilipinong aking babayi, kun kaya nagbaba an rekord kan fertility rate sa nacion.
Basado sa datos kan na ipinaluwas kan ahensya, nasa 1.7 an aki kan kada babaying Pilipino.
An numerong ini, base sa 2025 National Demographic and Health Survey (NDHS), na nagmarka sa pinakahababang lebel na nairehistro poon sa 4.1 na aki kan kada babae kan taong 1993.
Sa laog kan 1.7 na ini, nagbasak man an lebel kan kapalit na 2.1 na siyang masustento sa presenteng populasyon.
Sa tahaw kaini, nagkaigwa nin kahaputan an kadaklan kun papano mapapalago an populasyon kan nacion sa mga masunod pang taon.
An pagbaba kan fertility rate, nagbagsak sa parehong urban asin rural areas kun sain an mga kababaihan sa mga ciudad igwang average na 1.5 na aki ngonian, kumparar sa 2.0 sa mga rural na komunidad.
