LEGAZPI CITY — Nai-award na sa City government kan Legazpi an nasa P3.2 million cash na para sa labi sa 500 na mga fisherfolks asin paraoma sa ciudad katakod kan saindang livelihood program.
Segun ki City Agriculture’s Office head Jess Callos, ini an second tranche kan ayuda na itatao para sa mga paraoma asin parasisira na naapektaran kan nakalihis na pag-aalburuto kan bulkang Mayon.
Napag-araman na naipanao na an first tranche kan programa asin na delay sana an ika-duwang parte kaini.
Segun sa opisyal, an lokal na gobierno kan ciudad na sana an mabakal nin mga farming tools asin fishing paraphernalia para sa mga resipiente depende sa pangangaipo kan mga ini.
Mientras tanto, nakatalaan man na ipanao an nasambitan na mga ekipahe sa maabot na Enero huli ta magkakaigwa pa nin bidding process para sa mga babakalon na kagamitan.
