LEGAZPI CITY- Dinagsa kan mga partisipantes an ginibong Family Color Fun Run 2025 sa pangengenot kan Girl Scouts of the Philippines (GSP) Legazpi City Council.
Segun ki Melissa Caretero, Principal III kan Ibalong Central School sa intrevista kan Bombo Radyo Legazpi na obheto kan aktibidad na mai-promotir an camaraderie asin mga programa kan ahensya.
Kaibanan sa mga partisipantes an girl scourts, junior asin senior scouts asin an saindang mga kapamilya.
Binuksan man an aktibidad para sa iba pang mga runners.
Segun ki Caretero na sa paagi kan nasabing fun run, mawot man nindang mapangatamanan an pisikal na salud asin mental na salud kan mga kaakian.
Mientras tanto, kaibanan man sa mga nagpaotob nin seguridad sa aktibidad an Philippine National Police, Legazpi Public Safety Office, Bureau of Fire Protection, mga personahe hali sa City Health Office asin medical team kan Schools Division Office.
