Tinukar sa pagdangog kan House tri committee an mga ipinalakop na post kan mga vloggers asin social media influencers na nagsasabi na an Palawan an dating pagsasadiri asin pinamamahalaan kan China.
Segun kay 1-Rider Party-list Rep. Rodge Gutierrez kadakol na tawo an nagtutubod sa mga “lantaran at maling pahayag.”
Segun saiya, an mga post na nagpapaluwas na bako sakop kan Pilipinas an Palawan an ginibo nin tuyo, asin ginamit pa an pirang mga karakter sa wikang Chinese nganing suportaran ini.
Segun kay Commodore Jay Tarriela kan Philippine Coast Guard na ngonian sana niya nadangog an siring kaining kampanya hale sa China mapadapit sa West Philippine Sea (WPS) asin naglalalang agresyon kaini sa kadagatan, magin sa social media.
Pigtaram ni Tarriela an nasambitang fake news manungod sa Palawan an panibagong propaganda.
Sa presente segun kay Tarriela, may WPS transparency group na nagmo-monitor sa mga social media platform.
Parte suboot kan pagpahiwas kan papel kan PCG sa paglaban sa disinformation, na padagos na naglalakop sa manlain-laing social media platform.
