LEGAZPI CITY-Pigkokonsidera na kan Cybercrime Investigation and Coordination Center (CICC) an pagrerekomenda kan pagbabawal sa Facebook sa Pilipinas kun sain padagos na nababalewala kan Meta an mga ley asin regulasyon sa nacion.
Segun kay Executive Director ng CICC na si Usec. Renato Paraiso na dapat igalang kan mga social media platform an mga patakaran kan Pilipinas, orog na sa mga sensitibong insidente na nangangaipo nin tulos na kooperasyon sa mga otoridad.
Tinawan doon ni Paraiso na dapat magsunod an mga online platform sa mga ley kan mga nacion na pinaglilingkuran ninda asin kun sain sinda nakakakuang ganansya.
Pinag-aadalan na kan CICC an posibleng rekomendasyon kasunod kan kritisismo hale sa Senado mapadapit sa pagkapot kan Meta sa sarong video na nagpapahiling nin pambabadil sa Ateneo de Zamboanga University.
Dae kaya tulos na hinali an video na nagkawsa nin kritisismo hale sa mga senador mapadapit sa tugon kan platform sa insidente.
Wara man na kinatawan an Meta na nag-atendir sa nasabing pagdangog sa Senado mapadapit sa nangyaring insidente.
Tinawan doon kan CICC an importansya kan kooperasyon sa pagultanan kan mga social media platform asin mga awtoridad, orog na sa mga kasong may kinaaraman sa marahas asin sensitibong konteksto.
Segun sa ahensya, importante an siring kaining kooperasyon sa pagpugol kan padagos na paglakop kan mga sensitibong materyal online.
