Pinahimutikan kan mga dating suldados an mga akusasyon na sinuhulan sinda ni dating Congressman Mike Defensor ngani na tumestigo sa imbestigasyon sa maanomaliyang flood control projects.
Sa pagdangog kan Senate Blue Ribbon subcommittee ngunyan na Huwebes, ipigduon ni Johnny Buduan, saro sa 18 ex-marines na naghampang bilang resource person, na dae sinda nagresibe nin kwarta hali ki dating Cong. Defensor kan haputon ni Senador Rodante
Marcoleta kun nakaresibe sinda nin “pabuya” na tig-P5 million ngani na magtao kan saindanga testimonya.
Inagyat man ni Buduan an nag-alegar sainda na maghampang sa pagdangog kan subcommittee ngani na patunayan an akusasyon kontra sainda.
Dagdag pa kaini na magayon na kuta an saindang buhay kun nakaresibe sinda nin dakulang kantidad nin kwarta.
