LEGAZPI CITY-Sinalang bilang witness stand si Atty. Roderick Wamil, an dating state auditor kan Commission on Audit – Intelligence and Confidential Funds Audit Office (COA-ICFAO) sa ika-onseng aldaw kan impeachment trial ni Vice President Sara Duterte, ngonian na aldaw nin Lunes, Agosto 3, 2026.
Siya an ikatulong testigo kan House Prosecution Team para sa Article I kan Articles of Impeachment na nakatutok sa suboot maling paggamit kan ₱612.5 milyong confidential funds kan Office of the Vice President (OVP) asin Department of Education (DepEd).
Piglalaoman mas tatawan niya nin linaw kun pano pigbusisi asin pig-audit kan COA an mga confidential fund, asin kun pano nire-review an mga liquidation report asin mga dokumento.
Pinangenotan man ni Atty. Lorna Kapunan kan prosecution counsel an saiyang direct examination.
Sinabi ni Atty. Kapunan na tutukuyin kan testigo an 50 exhibits, acknowledgment receipts kan 4th quarter kan Office of the Vice President.
Bago an pagtestigo ni Wamil, nauna nang nagsalang bilang testigo an mga dating opisyal kan Land Bank ngani patunayan an encashment kan darakulang kantidad nin pera.
Mientras tanto, nakatakdang tumestigo saaga, Agosto 4, an presenteng supervising auditor kan Commission on Audit – Intelligence and Confidential Funds Audit Office na si Celine May Del Campo.
