Nagtutubod an Philippine National Police (PNP) na dae pa nakakaluwas sa nacion an pugante asin dating Bureau of Correction chief Gerald Bantag.
Pigtaram ni PNP spokesperson Brigadier General Jean Fajardo na warang indikasyon asin anumang record na nagpapahiling na nakaalis na sa nacion si Bantag.
Pigpapadagos pa an piggigibo nindang pag-validate sa impormasyon gikan sa saindang tracker team mapadapit sa pigtataguan kan dating BuCor Chief.
Enot nang sinabi ni Interior Secretary Jonvic Remulla na madali na nindang maaraman an lokasyon ni Bantag.
Mahigot man an piggigibo nindang koordinasyon sa mga manlain-manlang ahensya nganing dagos nang maarestar si Bantag.
Magigirumdumang dae na nagpahiling sa publiko si banta makalihis siyang ituro na nasa likod kan paggadan kay Percival Mabasa o midbid bilang si Percy Lapid makalihis na batikuson siya sa programa kaini.
