Padagos an pag-tugis kay dating Bangladesh Prime Minister Sheikh Hasina makalihis mahatulan nin death penalty o kagadanan huli sa kaso kan katiwalian katakod kan ilegal na pag-alokar nin daga sa Purbachal New Town.
Susog sa mga report, an sentensiya na itinao laban ki Hasina uminabot na sa total na 21 taon na pagkakakarsel.
Depensa kan hukuman sa Bangladesh ginamit suboot ni Hasina an kapangyarihan sa salang paagi nganing makakuwa nin daga para sa sadiri asin sa saiyang pamilya.
Kabale mang hinatulan an saiyang mga aki na sinda Sajeeb Wazed asin Saima Wazed nin tig-5 taon pagkakakulong mapadapit sa saro sa mga kaso.
An desisyon kasunod kan mas naenot na hatol na death penalty na ibinaba kan korte kan Nobyembre 17, para sa suboot crime against humanity laban huli sa madugong crackdown sa sarong student uprising kan 2024, na susog sa United Nations (UN), nagwalat nin haros 1,400 katawo na nagadan sa kariribokan.
Nasa India ngonian si Hasina mamakalihis tumakas kan Agosto 2024 sa tahaw kan mahiwasang protesta.
