LEGAZPI CITY-Ipighayag kan National Unity Party (NUP) an intensiyon na magsangat nin Verified Ethics Complaint sa hampang kan House Committee on Ethics and Privileges laban sa dating miyembro kaini, na si Rep. Francisco “Kiko” Barzaga, huli sa mga hiro niya suboot na nakakaraot sa dangal kan House of Representatives asin nagraraot sa tiwala kan publiko sa mga demokratikong institusyon.
Pigtukoy sa reklamo an apat na magagabat na batayan kan aksyon. Enot na an pagbayolar sa House Code of Conduct, pagbayolar sa Republic Act No. 6713 o an Code of Conduct and Ethical Standards for Public Officials and Employees.
Pangtulo an bako etikal na asal na posibleng nagbabayolar sa Article 142 kan Revised Penal Code na igwang Inciting to Sedition asin an pang apat an hiro na nakakaraot sa interes kan serbisyo publiko.
Segun sa partido enkaso an miyembro kan Kamara an pigsasadya an maggamit nin mapanulsol na taramon na igwang dahas, posible suboot na ikaraot ini kan integridad kan institusyon.
Bako man suboot simpleng pagbayolar ini —alagad sarong paglapastangan sa regulasyon kan kamara bilang institusyong dapat na igalang kan publiko.
Tinawan doon man kan NUP na an Committee on Ethics and Privileges an pigsagibo ngani matugunana an siring na kaso asin ipighayah an saindang kumpiyansa na an proseso an mapakusog sa dignidad kan kongreso asin regulasyon na piglalaoman kan namamanwaang Pilipino bilang sarong kinatawan.
An nasabing partido an pigbibilog kan 43 na miyembro sa House of Representatives, na ika duwa sa pinakadakulang partidong politikal sa Kamara.
Magigirumduman na nag-kuwa nin video si Rep. Kiko Barzaga mantang nagkakanta nin “Upuan” sa senado.
