LEGAZPI CITY-Ibinuyagyag kan militar kan Estados Unidos an saindang mapangganang mga airstrikes sa tulong oil tanker kan Iran.
Segun sa US Central Command (Centcom), rinaot ninda an mga tanker na namumugtak sa Kharg Island asin saro sa Strait of Hormuz mantang rinaot man ninda an ikatulo na namumugtak sa Gulf of Oman.
Napugulan man ninda an pag’atake kan Islamic Revolutionary Guard Corps (IRGC) sa saindang US aircraft carrier asin guided-missile destroyer.
Mientras tanto, wara nin nagadan o nairido sa lado kan Estados Unidos.
Pinatanidan ni Admiral Brad Cooper an commander kan CentCom na dae sinda maduwa-duwa na magbalos sa Iran kun maatake sinda sa mga barko kan Estados Unidos.
An Centcom, iyo an namamayo sa mga operasyon militar kan Estados Unidos sa Middle East.
