Liwat na naglansar an Estados Unidos nin airstrikes kontra sa Iran sa ika-apat na magkakasunod na aldaw na pagsakyada kaini.
Kinumpirmar kan US Central Command an pag-atakae kun sain tinarget an mga pasilidad na suboot pigagamit kan Iran sa pag-atake sa mga commercial boat na nag-aagi sa Strait of Hormuz.
Kasabay kaini, liwat na nagpaotob an Estados Unidos nin naval blockade ngani na pugulan an paglaog asin pagluwas kan mga barko sa mga pantalan kan Iran.
Segun sa sarong halangkaw na opisyal kan Iran, pigbayolar kaini an enot na napagkasunduan kan duwang nacion na paramientras na tigil putukan ngani na tawan dalan an pag-oolay na pangkatoninongan sa rehiyon.
Mientras tanto, sinabi kan Iran na tinamaan kan airstrikes kan Amerika an nagkapirang lugar harani sa Strait of Hormuz kaibanan an Qeshm Island, Bushehr, asin nagkapirang lugar harani sa border kan Iraq asin Kuwait.
Bilang kasimbagan, nagbalos man an Iran sa mga behikulong pandagat kan Amerika sa Strait of Hormuz, kun sain duwang tripulante an nagadan.
Sarong Norwegian oil tanker man an nadistroso makalihis tamaan nin drone attack harani sa Oman.
Pighayag man kan Kuwait na tinamaan nin missile asin drone attack kan Iran an saro sa mga barkong pang-giyera ninda, na ikina irido nin apat na tripulante.
