Isiniwalat ni dating Department of Public Works and Highways (DPWH) Undersecretary Roberto Bernardo an suboot pagtatao kan komisyon sa pirang mambabatas hale sa mga flood control projects.
Ginibo niya ini sa pagpapadagos kan pagdangog kan Senate Blue Ribbon Committee ngonian na Huwebes nin pagka-aga.
Segun ki Bernardo, 20% kan P800 milyones, katampad kan poco mas o menos P160 milyones an pigdeliver niya ki Meynardo, na suboot para ki Senador Chiz Escudero.
Afuera ki Escudero, pinangaranan pa kaini si dating Senador Bong Revilla, Senador Nancy Binay, asin Ako Bicol Party-list Rep. Zaldy Co na imbuelto sa suboot anomalya.
Sa kaparehong hearing, tahasang inako ni Bernardo an pagkaimbwelto sa iregularidad sa magkapirang flood control projects.
“Ako po ay umaamin sa aking mali nagawa… Taos puso at puno ng pagsisisi na ako ay humihingi ng kapatawaran,” ani Bernardo.
Dugang pa kaini, handa siyang gibuhon an gabos nganing maitama an saiyang sala asin dae na mautro.
Pakatapos kan saiyang pagkumpisal, nagsangat si Bernardo nin aplikasyon sa Witness Protection Program kan Department of Justice.
Naghagad si Justice Secretary Jesus Crispin Remulla sa komite na tugutan siyang darahon si Bernardo sa DOJ para sa mahigot na eksaminasyon kan saiyang testimonya, na tulos na itinao kan komite.
 Undersecretary Roberto Bernardo revealed the commission's alleged giving to some lawmakers from flood control projects.){kind=link}