Igwa man giraray na bastanteng suporta gikan sa kapwa senador nganing magtenir bilang Senate President si Senator Francis ‘Chiz’ Escudero.
Segun ki Sen. Joel Villanueva, na tiwala ini na makakakakua nin bastanteng suporta si Escudero.
Dugang pa kaini na nakaulay niya an mayorya kan mga senador asin nagpahayag sinda nin suporta.
Nasa 13 mga senators an nagpahayag nin suporta para ki Escudero na magtenir sa Senate president.
Magin siya an nagpahayag nin suporta ki Escudero huli sa magayon na trabaho na ipinahiling kaini.
Si Villanueva na majority leader sa 19th Congress an nagsabi na pag nagpuon na an 20th Congress sa Hulyo magigin bakante an gabos kan mga Senate leadership.
Gikan sa Senate president, president pro tempore, majority leader asin minority leader an liwat na pagbobotohan.
