Kumpiyansa si Senate President Francis “Chiz” Escudero na dae maaapektaran an trabaho kan Senado sa ibong kan pagigin abala kan pirang senador sa saindang kandidatura para sa 2025 midterm elections.
May pitong senador an madalagan liwat sa pagkasenador sa paparaning botohan sa masunod na taon.
Kaiba digdi an mga senador na sina Pia Cayetano; Lito Lapid; Francis Tolentino; Imee Marcos; Ramon “Bong” Revilla Jr.; Christopher “Bong” Go; asin Ronald “Bato” dela Rosa.
kumpiyansa si Escudero na gigibuhon man gilayun kan pitong reelectionist an saindang trabaho sa Senado miski pa busy suboot sinda sa saindang kandidatura.
Abo man suboot ninda na matuyaw kan iba kun kaya nagtutubod an liderato kan Senado na dae ninda pababayaan an saindang trabaho.
Inapot man ini kun sisay an saiyang ie-endorso sa pitong reelectionist na mga senador asin pigsabi man kaini na wara man siyang impluwensya sa partido asin bako man siya suboot an pangulo alagad matabang suboot ini sa abot kan saiyang makakaya.
