Nakasalbar an nasa 50 pasahero asin limang crew makalihis na buminagsak an eroplano sa kadagatan kan Somalia.
Basado sa inisyal na imbestigasyon na nagkaigwa nin technical problem an Starsky Aviation na sarong Fokker 50 plane nagkapirang minuto makalihis an pag-take off sa Mogadishu International Airport.
Dugang pa kan Civil Aviation Authority (CAA) kan Somalia na hinagad kan piloto na bumalik huli sa problema asin nagpalyar na makapundo sa runway.
Digdi nag-overshoot sa Tarmac antes dagos na bumagsak sa hibabaw na parte kan dagat.
Salbado man na nakaluwas sa eroplano an mga pasahero makalihis na bumagsak sa Indian Ocean.
Inomaw man an marikas asin kalmadong pagdesisyon kan piloto ngani na masierto an seguridad kan gabos.
Padagos man an imbestigasyon kan mga otoridad dapit sa nasabing insidente.
