LEGAZPI CITY- Padagos na pigbabantayan kan state weather bureau an raot nin panahon sa parte kan western Pacific Ocean huli sa padagos na pagkusog kaini.
Segun ki Masbate Chief Meteorological Officer Rizza Bartola sa intrevista kan Bombo Radyo Legazpi na posibleng maglaog sa Philippine Area of Responsibility sa masunod na semana asin aapudon na bagyong Inday, na magiging ika-siyam na bagyo ngunyan na 2026.
Dae man pighahali an posibilidad na maski pa nasa luwas pa kan PAR an magin super typhoon na kun magpapadagos an pagkusog kaini.
Pinag-aantisiparan man na mamamatean an epekto kan nasabing raot nin panahon sa Bicol puon Huwebes hasta Sabado kasabay kan epekto kan habagat.
Posible ining magdara nin mga pag-uran sa Luzon asin Visayas kaya pinaghahanda an publiko na nasa low lying areas na mag-andam sa posibleng pagbaha.
Segun ki Bartolata na pwedesir na ikumparar an nasabing raot nin panahon sa bagyong Karina kan 2024, na nagdara nin mga pagbaha sa Metro Manila.
Mientras tanto, para man sa paros posibleng magin peligroso suboot an Batanes asin parte kan Taiwan.
