LEGAZPI CITY- Nangapudan an mga environmental group sa publiko na gumamit na sana nin ibang mga alternatibong pamparibok sa pagsabat kan bagong taon imbes na an mga paputok.
Segun ki Eco waste National Coordinator Aileen Lucero sa intrevista kan Bombo Radyo Legazpi na an mga paputok an nagdadara man nin huma sa mga ataman na hayop.
Paliwanag kan opisyal na nagdadara ini nin takot asin stress sa mga ataman.
Pinayuhan kaini an publiko na ilaag an mga ataman sa salbadong lugar ngani na dae man malaag sa peligro an salud kaini sa pagsabat kan bagong taon.
Segun pa ki Lucero na an paputok man an dakulang huma para sa buhay kan mga magamit kaini huli sa posibleng respiratory problems.
Dugang pa digdi an huma kan paputok sa kapalibutan huli sa mga kemikal.
Pangapudan kan grupo na masabutan kan mga namamanwaan an tunay na diwa kan selebrasyon kan bagong taon.
