LEGAZPI CITY-Nagpagirumdom an sarong Environmental advocate sa posibleng peligro kan mga toxic ingredients hale sa mga Halloween products orog na kun para sa mga kaakian.
Segun ki Ban toxic campaigner Thony Dizon, sa intrevista kan Bombo Radyo Legazpi, na taon taon sindang nagpapagirumdom manungod sa pagigin “mindfull” sa mga posibleng peligro kan mga produktong dadarahon tuyong undas.
Katakod suboot ini kan pigsasagibong “trick or treat” kan mag kaakian kun sain nagsusulog nin manlain-lain na costumes.
Dapat suboot na magin maingat sa paggamit kan mga siring na produkto orog na kun haralangkaw an kemikal na yaon digdi.
Dugang pa ni Dizon na nakakahandal an mga ingredients o kun minsan an kulang an mga impormasyon kan mga ini kun kaya difisil sa mga magurang na pilion an mga produkto.
Posible suboot na hale an mga toxic ingredients sa ginamit na pintura sa mga kawatan o iba pang produkto asin sa ngonian an nahihiling na nindang parte na ini kan mixture kan mga kawatan o produktong piggamit tuyong Halloween.
Tinawan linaw man kan opisyal na may mga abilable man sa merkado na mga produktong igwang logo asin ligtas gamiton kan mga jovenes.
Afuera suboot sa mga kawatan na produkto, an posible man mahiling an mga toxic na ingredients sa mga spices asin cooking wares sa nacion kun kaya pigpapagirumduman an gabos na magin mabusisi sa pagbabakal para sa maabot na Undas o sa mga nagsasagibo nin Halloween party.
Mientrastanto, maikot man suboot an nasabing grupo sa mga piling sementeryo ngani mag-monitor kan mga basura asin kan mga produktong pang-halloween na ipigpapabakal sa merkado.
Mensahe man kan opisyal sa gabos na siertuhon an mga impormasyon kan mga produktong gagamiton orog na kun para sa mga aki asin para man sa mga madalaw sa sementeryo, an ibitaran an paggamit nin mga dispossable asin magsunod sa mga regulasyon na ipigpapaotob tuyong Undas season.
