Nasungkit ni John Derick “Jerich” Farr an enot na medalya para sa Pilipinas sa 33rd Southeast Asian Games, makalihis kaining matrayumpong makuwa an ikatulong pwesto sa isinagibong men’s downhill mountain bike sa Khao Kheow Open Zoo sa Chonburi.
Nagtapos si Farr sa oras na 2:43.67, kung saen nasyerto kan Pinoy na masungkit an Bronze medal para sa nacion.
Sinundan kaini an Thai biker na si Methasit Boonsane sa oras na 2:37.85 na siyang nakakuwa kan Gold medal, mantang si Rendy Varera Sanjaya man an nakauli kan silver medal na nagtapos sa oras na 2:38.71.
Mientrastanto, nagpapadagos pa an mga kompetisyon sa Thailand kun saen piggigibo an SEA Games.
Halangkaw man an kompyansa kan mga Pinoy na makakauli pa nin ibang medalya an mga atletang Pilipino sa manlain-laing larangan kan sports.
