Posibleng mabilog an sarong low pressure area (LPA) sa Southeast na parte kan Mindanao ngonian na Lunes, Enero 12 asin malaog sa Philippine Area of Responsibility (PAR) saaga, Enero 13.
Posible ining kumusog bilang tropical depression sa Huwebes, Enero 15 asin aapudon na “Ada.”
Piglalaoman na matenir ini sa sirangan kan Eastern Visayas sagkod sa Biyernes.
Pagsapit kan weekend, pwedesir ining magtenir sa sirangan kan Bicol o magbalyo sa Southern Luzon, antes kumurba pa-hilagang-silangan sa Central Luzon mantang nakikipag-interact sa Shear Line.
Sa ibong kan warang kasyertuhan pa man an magigin hiro kaini urog na sa weekend.
Mientrastanto, padagos na makakaapektar an Amihan sa Northern asin Central Luzon, mantang an Shear Line an madara nin katamtaman sagkod makukusog na pag-uran sa Cagayan Valley asin Aurora.
Poon man sa Huwebes, posibleng kalat-kalat na pag-uran an mamatean sa Caraga asin Eastern Visayas, na mamamatean sa Bicol asin Visayas pagsapit kan Biyernes.
Depende sa hiro kan posibleng bagyo, pwedesir magdakula an mga pag-uran sa mas dakulang parte kan Luzon sa weekend.
Katakod kaini, ipigpatanid an posibleng pagbaha asin landslide.
Sa Metro Manila, piglalaomang makakamate nin mapanganuron na panahon na may panaka-nakang init asin maluluyang pag-uuran, alagad pwedesir magin mauran an weekend kun mabalyo an raot kan panahon sa Luzon.
 is likely to form in the Southeast part of Mindanao this Monday, January 12 and will enter the Philippine Area of Responsibility (PAR) tomorrow, January 13.){kind=link}