LEGAZPI CITY-Nagin matoninong an enot na pagbubukas kan klase sa provincia kan Albay.
Segun kay Deped Albay Spokesperson Froilan Tena, sa intrevista kan Bombo Radyo Legazpi na “very good” asin excited an mga paratukdo, mga magurang, asin mga estudyante asin nakapaghanda an mga eskwelahan.
Wara man nin nai-report na anumang untoward incidente asin nakabantay an mga Barangay Council, Barangay Captain, asin mga kapulisan.
Sa presente, pigsasagibo muna an gabos na mga assessment ngani makapagtao nin intrebensyon sa mga aki.
Padagos man an pagtanggap kan mga eskwelahan nin late enrollees sagkod ngonian.
Nilinaw man ni Tena na wara pang normal class huli ta pig-aapod pa sana ining opening block alagad mapoon an mga pag-aadal o instructional block sa Hunyo 15.
Sa ngonian, pigsasagibo muna an mga orientation, assessment, asin sectioning kan mga estudyante.
Mientras tanto, nagbalik asin nakasabay na sa mga eskwelahan an mga evacuees hale sa Mayon unit areas.
