LEGAZPI CITY-Ribo-ribong bar examinees an amay na nagpasiring sa 14 na lokal na testing centers sa bilog na nacin para sa enot na aldaw kan 2025 Bar Examinations, na ipigsasagibo kada ikatulong aldaw (Setyembre 7, 10, at 14).
Segun sa Korte Suprema, isinagibo an bar exams nin sabay-sabay sa manlain-lain na testing centers ngani mas magin acessible asin maayos an proseso.
Saro sa mga testing centers an University of Santo Tomas (UST) sa Maynila, kun sain nag-abot na mga examinee pasado alas-5 nin aga asin sinabat kan suporta hale sa saindang pamilya.
Sa datos kan Korte Suprema na ipigheras ni Associate Justice Amy Lazaro-Javier, Chairperson kan 2025 Bar Exams, 86.7% kan 13,193 admitted examinees an nagatendir sa enot na aldaw kan eksaminasyon.
