LEGAZPI CITY- Pigsusurod pa ngunyan kan 31st Infantry Batallion ng Philippine Army an lugar kun sain nagbungkaras an panibagong engkwentro sa pagultanan kan pwersa kan gobyerno asin rebeldeng grupong New People’s Army (NPA.)
Nakabakbakan kan mga militar an 15 myembro kan NPA sa Brgy. Tula-tula Norte, Magallanes, Sorsogon kun sain naghaloy poco mas o menos 15 minuto an nagin ribayan nin putok.
Sa intribista ki Colonel Fernando Trinidad, commanding officer kan 903rd Brigade, sinabi kaini na nagsasagibo na sinda nin community patrol katakod kan nakaabot na impormasyon na nagtitinir sa lugar an mga rebelde siring man an posibilidad na igwa nin mga nakatanom digding improvised explosive device (IED.)
Dae man suboot nin nairehistrong lugadan sa lado kan mga soldados mantang pigkukumpirmar pa sa lado kan NPA.
Sa ngunyan, nagpapadagos an pursuit operation sa nasambitan na lugar katakod kan pang-apat na engkwentro kan mga militar asin NPA na nairehistro sa Bicol kun sain magigirumduman sa banwaan kan Casiguran sa parehong probinsya nagbungkaras an pinakaenot na engkwentro sa pagultanan kan mga ini makalihis na ma-lift an ceasefire.
