LEGAZPI CITY- Gadan an sarong emplayado kan LGU Esperanza makalihis na pagbabadilon kan dae pa nabibistong suspek mantang nag-aatindir nin kasal sa barangay Masbaranon sa provincia nin Masbate.
Binisto an biktima na si Carlos Comedia Jr. 40 anyos na residente kan Barangay Poblacion.
Segun sa Esperanza Municipal Police Station, nagpasiring an biktima sa nasabing barangay ngani na mag-atindir sa kasal kan kabisto.
Alagad mantang nasa kaogmahan kan biglang ranihan kan suspek an biktima asin basta na sana ining pauranan nin bala.
Tulos na nagadan an biktima huli sa mga tama nin bala mantang marikas man na nakadulag paparayo an suspek.
Sa ngunyan bako pang malinaw kung ano na motibo sa ginibong pambabadil.
Naglunsar naman nin imbestigasyon an mga otoridad ngani na maarestar an suspek.
