LEGAZPI CITY – Labi an pagkabigla kan sarong 14-anyos na daragita kan madiskubre kaini an amaon na nakabigti sa garahe sa P-4 Brgy. Buraguis, Legazpi City.
Susog sa impormasyon na naguno kan Bombo Radyo Legazpi, napag-araman na nagluwas nin harong an lalaki na binistong si Jobert Cañaveral, 38-anyos na empleyado kan Department of Social Welfare and Development (DWSD) Bicol alagad dae na suboot ini nahiling na nagbalik sa laog.
Gadan na ini kan madukayan kan pamangkin na nakabitay gamit an sarong nylon na pisi sa beam kan garahe kun sain tulos man kaining inapod an ama.
Sa ngunyan, padagos pang pig-aaram kan mga otoridad an motibo sa nasambitan na insidente.
