LEGAZPI CITY – Binawian nin buhay an sarong persona makalihis na makuryente sa pinagtatrabahuhang edeficio sa Brgy Dinagaan syudad kan Legazpi.
Binisto an biktimang si Martin Lisay, 38 anyos, asin residente kan Mallapas, Pilar, Sorsogon.
Sa nagunong impormasyon kan Bombo Radyo Legazpi, napag-araman pigpapakaray kan biktima an elevator kan V & O Building sa Brgy Dinagaan, Legazpi City kan aksidente kaining matimakan an terminal kan welding machine asin saka nakuryente.
Idinalagan si Lisay sa Albay Doctors Hospital alagad ipigdeklarar na dead on arrival kan doktor.
Sa presente, nasa irarom pa nin imbestigasyon an nasabing insidente.
