LEGAZPI CITY — Ipinaapod ni Presidente Rodrigo Duterte an ACTS-OFW partylist asin iba pang mga lehislador sa syudad kan Davao katakod kan liwat na pag-activate sa House resolution 558 o an pag-ban sa deployment kan mga obrerong Pinoy sa Kuwait.
Sa eksklusibong intrevista kan Bombo Radyo Legazpi kay Rep. John Bertiz III, enot nang isinumite an nasambitan na resolusyon kan 2016 alagad dae natawan nin atensyon kan gobyerno.
Segun digdi, antes makipag-olay an Pilipinas sa mga opisyal sa Kuwait, kinakaipuhan muna na siertuhon na magkakaigwa nin bilateral agreement para sa diretsos kan mga Pilipino.
Pagbuyagyag pa kan lehislador, nagbilog an presidente nin emergency response team na mapasiring sa mga nasyon sa Middle East siring kan Saudi Arabia, Qatar, Kuwait asin iba pa ngani na makipag-olay sa mga opisyal duman para sa proteksyon na itatao sa mga overseas Filipino workers (OFWs).
Mientrastanto, aminado man si Bertiz na apektado kan planong deployment ban an mga Pilipino na papahali pa sana kan nasyon ngani na magtrabaho sa Kuwait.
Huli man sa pangungulog asin pagadan sa mga OFWs, pighayag kan opisyal na bako deserving an mga employers na magkaigwa nin domestic helpers.
Mahihiling man suboot sa mga nakalihis na taon na nagkulang an gobyerno sa pag-monitor sa mga OFW kaya ngunyan, pwedesir nang magrani sa mga embahada an mga Pilipinong pigpapahirapan kan saindang mga employer.
