LEGAZPI CITY – Nakahanda na an elementary school kan Barangay Baligang kan Camalig, Albay nganing magserbing kadugangang evacuation site kan mga residentes kan Barangay Anoling kan kaparehong banwaan makalihis an pagsakat kan alert level 3 kan Bulkang Mayon.
Segun ki Punong Barangay Jocelyn Ventura sa intrevista kan Bombo Radyo Legazpi na pinaki-olayan na ninda an manhamiento kan eskwelahan na taguon na an mga importanteng kagamitan asin papeles nganing magamit liwat sa pagbabalik nin face-to-face classes kan mga estudyante.
Nakahanda man suboot an saindang service vehicle nganing sundoon an mga residentes kan Barangay Anoling na dae na makasya sa Tagaytay Elementary School na naenot nang ipigdesignar na evacuation site kan naunambitang Barangay.
Pagdoon pa niya na may 24/7 na naka-standby na sindang mga tanod para sa pazy orden asin Barangay Health Worker nganing magtaong asistensya asin kaipuhanon kan mga evacuees arug na sana kan mga bulong.
Pigtaram pa ni Ventura na nahahandal an iba sa mga evacuees na magtenir sa mga evacuation sites huli ta mababayaan an saindang mga atamang hayop na pwedesir man na habunon kan mga mararaot na elemento kun kaya padagos an saindang pag-enganyar na mag-ebakwar na hangga’t dae pa naglalala an sitwasyon kan Bulkang Mayon.
Pangapodan man kan opisyal sa saiyang mga nasasakupan na tabangan an mga evacuees na gikan sa Barangay Anoling na matenir sa Baligang Elementary School nganing dae man sinda mapagalan sa oras nin kalamidad.
