LEGAZPI CITY—Nagin matoninong an isinagibong eleksyon kan Mayo 12 sa provincia kan Catanduanes.
Segun ki Catanduanes Police Provincial Office Public Information Officer Police Lieutenant Colonel Rosalinda Gaston, sa intrevista kan Bombo Radyo Legazpi, nagin matoninong an ikinundusir na electoral process huli naman sa tabang kan kapulisan, Armed Forces of the Philippines, Philippine Coast Guard, siring man kan iba pang local government agencies.
Sa presente, nasa full-alert status man giraray an ahensya katakod na man kan pagproklamar kan mga nangganang kandidatong sa nasambitang probinsya.
Mientrastanto, nagpapasalamat man an opisyal sa namamanwaan sa saindang kooperasyon nganing magin matrayumpo an eleksyon sa lugar.
Dugang kaini na padagos man giraray an saindang pagtaong serbisyo para sa katoninongan kan bilog na provincia kan Catanduanes.
