LEGAZPI CITY — Naghihinayang an sarong kagsadiri nin electronics dealer makalihis na malalay an saiyang mga electronic devices sa Brgy San Juan, banwaan kan Virac, Catanduanes.
Binisto an biktima na si Rosemarie Gianan, 36-anyos asin residente kan Barangay San Jose, Virac.
Base sa imbestigasyon kan Virac Municipal Police, sarado man an business establishment kan biglang laugon kan dae pa nabibistong suspek.
Pwersahang rinaot kan suspek an lock kan pintuan, saka naglaog asin binitbit an duwang unit nin 22 inches LED TV, sarong unit nin 17 inches LED TV, sarong set nin amplifier speaker asin sarong unit nin cignal box na may kabilugang kantidad na P17,000.
Padagos man na pighahanap kan mga otoridad an suspek para sa posibleng pagkakabisto asin pagkakadakop digdi.
