LEGAZPI CITY- Pigtawan duon kan election watchdog na kontra daya na mapuon an campaign period sa maabot pang bulan kan Pebrero sa masunod na taon.
Ini makalihis na igwa suboot na nanutaran na nagkakapirang indibidwal na nagsasagibo na nin mga pre-mature campaigning para sa paparaning 2025 midterm elections.
Segun kay Professor Danilo Arao, Kontra Daya Convenor na intrevista kan Bombo Radyo Legazpi, kaipuhan kan publiko magin kan Commission on Elections na maging mapagmatyag asin dapat na magbantay sa mga nangyayaring pre mature campaigning sa nasyon.
Segun pa sa opisyal na kaipuhan na icall out asin idokumento an mga nagsasagibo kaini kun saen pig-aabuso kan mga kandidato an pangangampanya.
Isasapubliko suboot kan Kontra Daya an mga datos kun igwa sindang mamonitor nin pandaraya sa paparaning pirilian.
Mientrastanto, pangapudan kaini sa publiko ngunian na last day kan voter registration na maglaan nin oras para makapag rehistro asin makaboto sa eleksyon asin mapadagos man an saindang pagbabantay sa mga kandidato ngani na maasigurar na magiging malinig an pirilian sa masunod na taon.
