LEGAZPI CITY- Pangapudan kan kontra daya na magsagibo nin fact checking an Commission on Election (Comelec) mapadapit sa paggamit nin mga social media platforms para sa pangangampanya para sa papaabot na Local asin National Election sa sunod na taon.
Segun kay Prof. Danilo Arao, an Convenor kan Kontra Daya Watchdog sa intrevista kan Bombo Radyo Legazpi na dapat gibuhon ini nganing ipaapod kun sisay an madadakop na nagpapalakop nin salang impormasyon nganing ma-expose an mga ini.
Dugang pa ni Arao na mapagal kontrolon an teknolohiya asin tapatan na sana suboot an kautikan nagkakalat sa social media sa paagi nin pag-fact checked sainda nin katotohanan nganing mapundo an pagpakalat nin salang impormasyon sa mga socia media platforms.
Pigsabi man kaini na dae man kaipuhan na magin pamilyar sa mga election rules an mga social media platforms nin huli ta mas dapat kaini suboot pagtuonan nin pansin kun arin an totoo asin an bako.
Segun man sa propesor na magkaigwang close coordination an comelec sa mga social media platforms nganing ma-take down an mga page asin account sa social media na nagpapalakop nin salang impormasyon.
Pigdugang man ni Arao na dapat pigpapalaganap sa publiko an importansya kan fact checking nganing maaraman ninda kun ano an sala asin tama sa mga nahihiling kaini online.
Pigtawan doon pa kaini na dae man kaipuhan nin ley na ipatupad digdi kun pwede man sana suboot na court of public opinion an magigin tagapag desisyon sa mga nagpapalakop nin mga fake news asin salang impormasyon.
