LEGAZPI CITY—Posibleng makaapektar sa suplay kan bunay sa nasyon an papaabuton na El Niño phenomenon.
Segun ki Philippine Egg Board Association Association President Francis Uyehara, sa intrevista kan Bombo Radyo Legazpi, na an El Niño nagtatao nin problema sa pagkaon kan mga ataman na mga manok na nagreresulta sa imbalance na distribusyon sa sizes kan mga bunay.
Pigtaram kan opisyal na mas dakol suboot an nakukuang mas saradit na sizes nin mga bunay kun kaya nagkakaigwa nin oversupply kaini na posibleng magin dahilan kan paghibaba sa presyo.
Dugang kaini na kan nakaaging taon, an nasambit na phenomenon nagresulta sa pagbawas sa mga atamang manok para makabawas man sa labing suplay nin mga bunay.
Sa ngunian mas halangkaw suboot an suplay kan bunay kumpara kan nakaaging taon, asin piglalaomang magkakaigwa nin oversupply sa mga maabot na bulan an nasambit na produkto.
Mientrastanto, nangapudan man si Uyehara sa mga retailers na kun naghibaba an presyo kan pinagkukuanan nin suplay kan bunay, dapat man na suboot ipabakal ini sa hibabang presyo sa mga konsomedores para sainda ining mapakinabangan.
