LEGAZPI CITY — (Update) Mahalat pa an Department of Health (DOH) Bicol nin sarong semana antes na maaraman an resulta kan eksaminasyon sa dugo kan nagadan na 7-anyos na aking lalaki na pigsususpetsarang may meningococcemia.
Sa intrevista kan Bombo Radyo Legazpi ki Dr. Aurora Teresa Daluro, regional epidemiologist kan DoH-Bicol, base sa report kan Bicol Regional Training and Teaching Hospital (BRTTH), nakuwaan an aki nin specimen o blood sample na ipinadara sa Research Institute for Tropical Medicine (RITM) para sa pag-culture tangarig makumpirmar an kaso.
Segun ki Daluro, maski nahilingan an aki kan tulong mayor na sintomas kan helang na high grade fever, rashes asin neurologic signs and symptoms, dae pa masasabing kumpirmadong kaso ini nin meningococcemia.
Alagad sinabi kan doctor na bako na importante kun magluwas na positibo o negatibo an resulta huli ta sa initial assessment pa sana kan pigsususpetsarang helang, naisagibo na kan DOH asin iba pang partner-agencies an gabos na medyos tangarig dae na maglakop pa an helang o an pigsasabing epidemic potential.
In place naman suboot an Philippine Integrated Disease Surveillance and Response na ma-monitor sa mga helang na posibleng maging epidemiya siring kan meningococcemia.
Nagpagirumdom man si Daluro na en kasong may manotarang sintomas kaini, tulos na magpakonsulta tangarig maagapan an kaso.
