Kumpiyansa si Department of Economy, Planning, and Development Secretary Arsenio Balisacan na matalubo an ekonomiya kan Pilipinas nin 5% hasta 6% ngunyan na 2026 asin hasta sa masunod na duwang taon.
Segun sa opisyal na nagtetenir na mayor na factor kaini an pagkonsumo, na pigsusundan kan employment asin remittances, mantang nangingibabaw man sa supply side an sektor kan serbisyo.
Pinag-aantisiparan man na makakabawi an consumer confidence makalihis na magluya an paggastos kan ika-tulong quarter kan nakalihis na taon.
Dugang pa ni Balisacan na nagtetenir na hibaba an inflation sa 1.7% asin padagos an pagbaba kan interest rate.
Huli digdi, pinaglalaoman na magtetenir na pusog an pagtalubo kan ekonomiya, urog na sa ika-duwang quarter kan taon.
