Amay na tinapos ni World No. 3 paul vaulter EJ Obiena an saiyang 2024 season huli sa spine injury.
Nakatalaan pa kutang lumaban si EJ sa ISTAF Berlin, Zurich Diamond League asin Diamond League Final.
Alagad segun sa atleta, durante kan Silesia Diamond League kan nakalihis na weekend, namatean niya an kulog sa likod asin padagos na spasms kaya tulos na nagpakonsulta sa saiyang doktor sa Italy kun sain nahiling sa MRI na nagbalik an stress fracture sa saiyang spine.
Nadiskubre sa diagnosis na igwa siyang fractured L5 vertebra.
Ngani na maibitaran na lumala an injury, sinabi ni EJ na kinakaipuhan ng kanselaron an saiyang season, kaibanan na an Philippines Pole Vault competition na nakatalaan na sa Setyembre 20.
Mientras tanto, nagpromesa man ini na magbabalik kasabay kan pagpapasalamat sa mga nagsusuporta saiya.
