Nagdesisyon an kampo ni Filipino pole vaulter EJ Obiena na i-postpone an pole vault meet na nakatalaan kuta sa Setyembre 20 sa ciudad kan Makati.
Ini makalihis na maka eksperyensya suboot nin dae pinaglalaoman na mga mga angat an saiyang team mantang pig-oorganisar an torneyo na sanctioned kan World Athletics.
Kaibanan sa mga angat na ini an pagsasapar ni Obiena nin spine injury, na nagin rason man kan amay na magputol kaini kan saiyang 2024 season.
“I am truly sorry for this. I and the organizing team worked tirelessly to make this happen; unfortunately, we encountered a few unexpected hurdles, including my fractured vertebrae. The organizing team believes that we won’t be able to adequately deliver the competition to its full potential. I respect their view and expertise as we all want a world class event; thus, we are forced to postpone and plan again” saad sa post ni Obiena.
Sa ibong kaini, sinierto man ni Obiena na magkakaigwa siya nin meet and greet sa Setyembre 15 ngani na makahampang man liwat an saiyang mga supporters.
Marurumduman na pinag-antisiparan an Manila meet kan mga world-class athletes na inimbitaran sa aktibidad.
Enot na man na naglaom si Obiena na magigin partisipante sinda 2024 Paris Olympics champuons Mondo Duplantis, Sam Kendricks, asin Emmanouil Karalis.
