Pighayag kan Pop star na si Ed Sheeran na ‘bako makatarungan’ an sitwasyon sa Gaza kasunod kan mga sunod-sunod na kritisismo na nagpalyar siyang suportaran an saiyang opening act na pinatalsik sa tour makalihis magtao nin mga komentong pro-Palestinian.
An nasabing singer, na dating nagtinir na apolitical sa nasabing isyu, binasag an saiyang katahimikan mapadapit sa giyera kan Israel asin Palestine sa saiyang enot na show puon kan nagpuon an kontrobersiya na kinaimbueltohan kan US rapper na si Macklemore.
Idineklara ni Macklemore ang “Free Palestine” sa sarong konsiyerto sa New Jersey ngunyan na bulan, na nagguno nin negatibong reaksyon hale sa mga may kagsadiri kan US stadiums na nagho-host kan mag masunod na petsa kan Loop Tour ni Sheeran.
Pinahimutikan kan 35-anyos na British artist na si Sheeran na siya ang nasa likod kan desisyong halion an rapper, imbes an ibinasol niya ang tour promoter.
Apat na supporting act man ang nag-walk out sa singer kan “Shape of You”, asin nagluwas nin mga public statements na pigbabanggit an saindang suporta para sa mga Palestinians.
Mantang patapos na an show, sinabi ni Sheeran na an semanang in an pinakadifisil sa saiyang buhay.
