LEGAZPI CITY-Tinanggap na kan Central Records Division kan Office of the Ombudsman an mga ibedensya asin records na isinangat kan Independent Commission for Infrastructures (ICI) laban sa nagkapirang opisyal na suboot imbuelto sa maanomalyang flood control program kan Department of Public Works and Highways (DPWH).
Kaiba sa mga pinangaranang opisyal sinda Sen. Joel Villanueva, Sen. Jinggoy Estrada, dating Rep. Zaldy Co, dating COA Commissioner Mario Lipana, dating Caloocan Rep. Mitch Cajayon-Uy, asin si dating DPWH Undersecretary Roberto Bernardo.
Inirekomenda kan ICI an pagsasangat nin mga kasong plunder, bribery, asin corruption laban sa mga nasabing indibidwal.
Mientrastanto, posibleng nakakuwa suboot si dating congressman Zaldy Co nin P21 billion pesos bilang kickbacks hale sa suboot anomalya sa flood control projects.
Basado suboot ini sa pinaghalong kantidad sa impormasyong itinao ni dating DPWH Engr. Alcantara asin Hernandez sa Independent Commission for Infrastructure (ICI).
