LEGAZPI CITY – Arestado an sarong lalaki na wanted sa tulong (3) kaso nin Rape makalihis na mabisto sa E-Warrant System mantang nagkukua nin National Police Clearance sa Legazpi City Police Station.
Segun ki Legazpi City Police Station Public Information Officer Police Executive Master Sergeant Carlos Paña sa intrevista kan Bombo Radyo Legazpi na an E-Warrant System an naggagana sa enterong parte kan Pilipinas kun sain nakapalaog digdi an mga identidad kan mga indibidwal na may mga kasong pigkakahampang asin may warrant of arrest sa sain mang parte kan nacion.
Kadakol na suboot an nangyaring kaparehong insidente kun sain nagporbar an sarong tawong magkuwa nin police clearance mantang suspetya ninda na dae aram kan suspetsado na maaaraman kan polisya na may kaso ining pigkakahampang.
Napag-araman man na nagibo kan suspetsado an saiyang pagkakasala sa ciudad pa kan Iriga sa provincia kan Camarines Sur alagad antes ninda ini arestaron an kinumpirma muna ninda huli ta pwedesir na ibang tawo an saindang maarestar.
Pigtaram kan opisyal na makalihis makumpirma an tulos man ninda ining binasahan kan saiyang direchos na alinsunod man sa Miranda Doctrine.
Sa kagayunan suboot an dae naghahalangkaw an mga kaso nin rape asin huli man sa mahigot na kampanya ninda an nagkakaigwa nin kusog nin boot an mga biktima na magsumbong nganing matawan ini nin hustisya asin mapanimbag an may kagibo.
Sa presente an nakatalaan nang ilipat sa kustodiya kan Iriga City Police Station an suspetsado para sa magkakanigong disposisyon.
Pagirumdom ni Paña sa mga nagtatago sa ley na makipagtabangan sa mga otoridad nganing dae na sinda mapagalan asin pabayaan na sanang an ley an magpapatunay kun nagkasala an sarong indibidwal o dae asin dae na manlaban nganing dae na maglala pa an sitwasyon.
 cases of Rape was arrested after being identified in the E-Warrant System while obtaining National Police Clearance at the Legazpi City Police Station.){kind=link}