LEGAZPI CITY—Natakdag sa kamot kan mga otoridad an duwang wanted na persona sa kinundusir na operasyon kan Legazpi City Police Station.
Segun ki Legazpi CPS PIO Police Executive Master Sergeant Carlos Paña, sa intrevista kan Bombo Radyo Legazpi, an saro sa mga suspetsadong naarestar na may kasong 2 counts Acts of Lasciviousness, pigmidbid na si alyas “Greg,” 63-anyos, residente kan Barangay Bigaa, Legazpi City.
An nasambit na kaso may pigrerekomendang piyansa sa kantidad na P10,000.
Mantang an ikaduwang naarestar na may kasong lascivious conduct sa irarom kan Section 5 kan Republic Act 7610, pigmidbid sa alyas “Ron,” 40-anyos, asin residente kan Barangay Rawis, Legazpi City na kun saen igwa man na pigrekomendang piyansa nin P180,000.
Sa presente an mga suspetsado nasa kustudiya kan Legazpi City Police Station para sa magkakanigong disposisyon.
