LEGAZPI CITY- Kulong an duwang para wigo sa ipigkundusir na anti-illegal gambling operation kan Tabaco City Police sa Purok 6 Sitio Nagsipit Barangay Mariroc.
Binisto an mga ini na sinda Terso Cabria, 40-anyos asin Potenciano Banares, 41-anyos na parehong residente sa lugar.
Inarestar an mga ini makalihis na maaktuhan na nagkakawat nin card games.
Nakumpiksar sa posisyon kan mga suspek an baraha asin kwarta na nagkakantidad nin P496.00.
Nasa kustodiya na an mga ini ngunyan kan Tabaco CPS ngani na kahampangon an kasong isasangat kontra sainda.
