LEGAZPI CITY—Arestado an duwang indibidwal na pigkonsiderar na regional asin provincial wanted person sa magkahiwalay na manhunt operations kan mga otoridad.
Segun ki Masbate Police Provincial Office Public Information Officer Police Captain Estrella Torres, sa intrevista kan Bombo Radyo Legazpi, arestado an pigkokonsiderar na rank 1 regional most wanted kan Bicol sa Barangay Villa Aglipay, San Jose, Tarlac.
Naarestar an suspek na si alyas “Boy” sa pinagsarong operatiba kan San Fernando Municipal Police Station, Regional Intelligence Division – Regional Special Operations Unit 5, Charlie Company kan 96th Infantry Battalion, Philippine Army, asin San Jose Tarlac Municipal Police Station sa bisa kan mandamiento de aresto sa kasong attempted murder asin murder.
Mantang, naarestar man an pigkokonsiderar na provincial most wanted person kan Masbate na si si alyas “Biboy,” asin sarong contractual employee kan lokal na gobierno kan Mobo.
Naarestar ini sa Barangay Poblacion District 2, Mobo, Masbate sa kasong six counts nin statutory rape na pararehong warang piyansa.
Mientrastanto, pigsierto man kan saindang opisina an mas pinahigot na kampanya kontra kriminalidad nganing mamantenir an kaayusan asin katoninongan sa nasambitang provincia.
